TÜRK DÜNYASI BİRLƏŞİN !

Səhifə ünvanı : http://www.turkazinfo.com/haber-detay/5301_atasindan-k-ram-t-boyukcol-s-n-kiml-d-yisik-dusdun

CƏMİYYƏT

Hamısı

Atasından Kəramət Böyükçölə: “Sən kimlə dəyişik düşdün, oğlum?”

(7 Gün, 23 Saat öncə) 683 İzlenme 0 Yorum
Atasından Kəramət Böyükçölə: “Sən kimlə dəyişik düşdün, oğlum?”

Azərbaycan Yazıçılar Birliyinin üzvü, şair Qəşəm Nəcəfzadə Maştağa Narkoloji Dispanserinə yerləşdirilən oğlu, yazıçı Kəramət Böyükçölə şeir həsr edib.

TURKAZİNFO Kəramət Böyükçöl oktyabrın 7-də xəstəxanaya yerləşdirilib. Kəramətin dəfələrlə müxtəlif xəstəxanalarda içki aludəçiliyindən müalicə aldığını bildirən Qəşəm Nəcəfzadə oğlununun intihar edəcəyindən ehtiyatlandıqları üçün bu addımı zəruri hesab edib.

Teleqraf.com Qəşəm Nəcəfzadənin “Yuxulardan oyanmaq” adlı həmin şeirini təqdim edir.

“Yuxulardan oyanmaq...”

(Kəramət Böyükçölə)

Anana demişəm,

Pişik çırmaqlayan dizindən danışmasın.

Əmiziyini xatırlatmasın,

Qolundakı xalını yadıma salmasın...

Doğum evində demişdim ki,

Körpəmiz dəyişik düşər.

Demişdi, qolunda qara xalı var, qorxma...

Bəs böyüyəndə,

Sən kimlə dəyişik düşdün, oğlum?

İndi deyirəm o xalı

Yaddaşımdan pozsun.

Bütün xatirələrini

Birdəfəlik büküb

Palazın alta qoysun.

Mənə

Bir dənə xatirəni göstərməsin.

İşə bax,

Göbəyin quruyub düşəndə

İlk kitabımın arasına qoymuşammış...

Bu axşam anan göstərdi mənə.

Süd dişini hələ də saxlayırammış,

Yapışıb kitabın son vərəqinə.

Evdə atıla-atıla yeriyərim ki,

Ayaq izlərini əzməyim.

Şirin yuxulardan oyanıram ki,

ləzzətlə səni gözləyim.

Evimiz elə böyükdü ki,

Anan məni axtarır evdə.

Oyunçağı olmayan uşaqlara bənzəyirik,

Yuxuya gedirik, hərəmiz bir küncdə.

Gəlib indi görsən, ağlarsan

Səpmişik evə sənin uşaqlıq şəkillərini,

Şəkillərlə oynaya – oynaya

Yuxu bizi aparıb...

Göbəyin və süd dişin ananın əllərində

Balaca süd şüşəsi yırğalanır sinəmdə...


Şərh Yaz

ŞƏRHLƏR

Daha əvvəl heç kim bu xəbərə münasibət bildirmədi.
İndi ilk rəyi yazın!

ELAN VƏ XƏBƏRDARLIQ

Hamısı
  • Sabah paytaxt və ölkə ərazisində hava şaxtalı, küləkli və dumanlı olacaq. Diqqətli olun !
    8 Ay, 10 Gün öncə
SÜPER LİG
YAZARLAR
XƏBƏR LENTİ
Arxiv
QƏZET BAŞLIQLARI
KARİKATURA
Anketlər
Azərbaycan Türkiyə münasibətləri sizi qane edirmi ?
Bu anketə toplam 35 şəxs qatıldı